Zafername (Ziya Paşa)
| Zafername | |
|---|---|
| Ziya Paşa'nın eserleri | |
| Zafername | |
| Tahmis | |
| Zafername Şerhi (Vikikaynak'a aktarılmadı) | |
| Sonrası | |
| Zafer-Nâme Reddiyesi | |
| Fâzıl Paşa’nın Ziyâ Paşa Hakkındaki Kıtaları | |
Zât-ı Hazret-i Sadâret-penâhî'nin girid memuriyetlerinde muzafferiyetlerine dâ'ir İzmid Matasarrıfı Sa'âdetlü Fazıl Paşa Hazretleri'nin Nazm Eylediği Zafer-Nâme'dir
Bârek - Allah zihî kevkebe-i âlü'l-âl
Levhaş - Allah aceb nusret ü feyz ü ikbâl
Hak bu kim görmedi âgâz edeli devre felek
Böyle bir feth ü zafer böyle şükûh u iclâl
Lerze saldı feleğe na'ra-i «Hayyâk-ı allah»
Ra'şe verdi küreye gulgule-i «Yâ Müte'âl»
Kimseler olmadı bu feth-i mübîne mazhar
Ne Sikender ne Hülâgü ne Sezâr ü Anibal
Âferin himmetine âsaf-ı âli-kadrin
Oldu şâyeste-i tevfîk-i Cenab-ı Müte'âl
Girid'i aldı gerü savlet-i seyf ü kalemi
Halkına gelmiş iken dâi'iye-i istiklâl
Devlet'i eyledi bir öyle belâdan âzâd
Yoksa pek müşkil olurdu şu zemânda ahvâl
İhtiyâr eyledi bu kışda şu müşkil seferi
Yoksa kim etmiş idi kendisini istiskâl
Bu ne hayret ne hamiyyet ne şecâ'tdir bu
Hiç görülmüş mü tevârih-i selefde emsâl
Askere verdi kumandayı misâl-i Bonapart
gerçi kim gelmedi şu silsilesinde ceneral
Vermedi ablukada şân-ı Donanma'ya halel
İngiliz devletine olsa sezâdır amiral
Vâkı'â haylice cân haylice mâl oldu telef
Etdi ammâ ki cezîre şerefin istihsâl
İktifâ eyledi «el-afvü zekâtü'z-zafer»e
Etmedi tâife-i bâgıye'yi istîsâl
Ya o takrir ki tafsil eder icrâ'âtı
Hüsn-i ta'bir ü belâgetde bulunmaz emsâl
Ser-be-ser şîve-i tafsil eder icrâ'atı
Hüsn-i ta'bîr ü belagatde bulunmaz emsal
Ser-be-ser şîve-i i'câz ü ser-â-ser mazmûn
Lâfzı pür-nükte ve her nüktesi lebrîz-i hayâl
Kan saçar hâme-i hûn-rîzi mürekkeb yerine
Meşrebi ma'reke-i rezm'e olunca meyyâl
Zülf-i yâre dokunur mes'elede hâmesinin
Târ-ı ma'na dökülür pâyine kangal kangal
Yazdığı şeylere Mümtaz ü Fu'âd alkış-hân
Gördüğü işlere Takvîm'ü Cerîde dellâl
Öyle bir şöhrete mâlik ki mülûk-ı âlem
Nâmını bilse eger elbet anar bil-ibcâl
Öyle bir kudrete sahib ki murad eylerse
Görünür sûret-i imkanda nice emr-i muhâl
Kendi sultan degil ammâ ki nice sultanı
Maksadı üzre eder bende gibi isti'mal
Pâdişah'ın adı vardır yalnız dillerde
Zât'dır taht-ı Hükûmet'de hakikî fa'âl
Her ne işler ise «Lâ-yüs'el-ammâ yef'al»
Her ne hükm eylese âzâde-i takyid-i sü'al
Mısr'da eyledi tagyir-i verâset hükmü
Etdi bir Yüzbaşı'yı Memleketeyn üzre kıral
Belgrat kal'asın ihsan .ile Sırbistan'e
Devlet'in kıldı temâmiyyetin_i lstikmâl
Karadağ kulelerin yıkdı ise hükmü n'ola
Peşşe tevfik-i Hüdâ ile eder kal'-ı clbâl
Rûm'dan Ermeni'den yapdı müşîr ü balâ
Eyledi resm-i müsâvât-ı hukuku ikmal
Verdi Mâliye'ye tedbir-i musîbi bereket
Buldu hep sâye-i lütfunda cihân vüs'at-i hâl
Tuz tütün resm'e girüp oldu hazine leb-riz
Etdi tahvil-i kavd'imle nukûd istihsal
İ'tibârı ile yapdı nice istikrâzât
Yoksa Mâliye işinde görülürdü işkal
Tutalım cümle umurunda hıyânet etmiş
Şu Girid hizmetini var mıdır inkâra mecal
Böyle iş görmeli ibkâ ise maksad nâmı
Ne revâ şöhret içün Zemzem'e olmak bevvâl
Ehl-i seyf ehl-i kalem ehl-i dil ehl-i insâf
Muhsin ü mükrim ü memdûh u gayûr u fa’âl
Ehl-i seyf ehl-i kalem ehl-i dil ehl-i insâf
Muhsin ü mükrim ü memdûh u gayûr u fa'âl
Hâmi-i din-i mübin muhyî-i şer'-i enver
Hâfız-ı Devlet ü dirhem-ken ü evsan-ı dalâl
Kangı hengâmeye girdiyse muzaffer oldu
Değmedi ârızına latma-i «El-harbü sicâl»
Esb-I Devlet bu terakkide gider miydi aceb
Olmasa himmeti mihmîz-zen-i isti'câl
Kendinin gayret-i milliyyesi koymaz yoksa
Çekilir yük mü bu mihnet kişi olsa hammâl
Nazar et suret-i zîbâsına maşallah
Nedir ol vech-i mübarek nedir ol hüsn ü cemal
Kadd değil kâmet-i matbu'ası bir serv-i sehi
Göz değil çeşm-i dilârâsı yenâbi'-i zülal
Öyle düştûr-ı mu'azzam ki Nakibü'l-eşrâf
Gelse ger meclisine câyı olur saff-ı ni'âl
Öyle nâzik ki eger şapkalı bir kunduracı
Evine gelse eder tâ kapudan istikbâl
Öyle bir cerbeze-i nutku da var kim eyler
Hasmının hakkı dahi olsa elinde ibtâl
Cok mudur Avrupa'ya gitse ukâb-ı şânı
Beykoz'a Gekbüze'den gelse aceb mi kartal
Kahrına uğramadı uğrasalar bir kerre
Ne tavanlarda gezer fâre ne dağlarda çakal
Hep te'enni-yi hakimâneden eyler neş'et
Tab'-ı pakinde eger var ise cüz'i ihmal
Himmet ü meşrebi de kaddi gibi âlidir
Çünki esmâ olunur nâsa semadan inzâl
Sayesinde o kadar etdi cihân kesb-i huzur
Eylemez kimse du'âsında dakika ihmâl
Hânmânı yıkılurdı nıc·e ehl-i hünerin
Cânib-i afva eger olmasa tab'ı meyyâl
Nakd-i va'di ile hemyân-ı zaruret leb-riz
Zer-i lütfu ile ceyb-i fukara mâl-â-mâl
Kâle-i servet ü dârâtına olmaz arşun
Galle-i ni'met-i bi-gâyeti bilmez mikyâl
Vâli-yi Mısr ile Sultân'dan alurdı ihsân
Maksadı olsa idi cem'-i nukûd ü emval
Beytini mâlini yakdı ise eger nâr-ı harîk
Kârgirini binâ eyler anın Beytü'l-mâl
Âsafâ himmet-i mahsusa-i tedbirindir
Eyleyen Devlet'f bu hadd-i kemâle isâl
Geldi bir halete kim Devlet-i Osmâniyye
Hissolunmaz gibidir şâ'ibe-i izmihlal
Ne dirâyet bu ki yirmi senedir va'dederek
Aldadup Avrupa'yı âlemi etdin iğfal
Bu ne tâli' ki cihân hasmın iken bunca zemân
Müstakillen olasın taht-nişîn-I ikbâl
Müslüman la’net eder gayr-I müselmân la’net
Kimseler kıymetini bilmedi hâlâ bu ne hâl
Erba’îne kadar elbette sürer germî-yi bahs
İstesem ben ne kadar vasfını etmek icmâl
Âsafâ ömrümü evsâfına hasr eyleyeyim
Bir zemân kâbız-ı ervâh ederse imhâl
Fâzıl-ı pîre ateh gelse de söyler medhin
Soy köpek olmasa da dişleri durmaz battâl
Dalkavuklukda müdârâda zemânım geçdi
Olmadım şimdiye dek mazhar-ı feyz ü âmâl
Âcizim şükrünü ifâda ki etdi lûtfun
Şem-i maksûdumu âhir nefesimde iş’âl
Mutasarrıflığa bir kıt’a sebep olmuş idi
Bu kasidem beni vâliliğe eyler isâl
Tut yüzün kıbleye aç başını bâ-saffet-i bâl
Tâ ki pervâz ede âfâkda simürg ü hümâ
Kebg-I dârâtınıs çâk etmeye şahin-I zevâl
Lûtf u ihsânı gibi ömrü ola nâ-ma’dûd
Din ü imânı kadar keb ede feyz ü ikbâl
El-fakir Fâzıl-ı Bosnavi-yi Mevlevi
Mutasarrıf-ı İzmid