Mu'în-i sîne-çâkândır şikâyet ma'nevî * Ekrem
Ki nâyın i'tibâr u feyzini müzdâd eder feryâd
Kader kılmış cemâlin reşk-i rûy-ı enver-i hûrşîd
Saña billâh ser-i tâc olsa lâyık efser-i Hurşîd
Aceb mahv-ı tecelligâh-ı aşkım zerre mi eflâk
Ederdi bulsa kuhl-ı dîde-i rûşenter-i hurşîd
Temâşâ kıl cemâlin zîr-i gîsû-yı siyâhında
Nihândır perde-i ebr içre gûyâ peyker-i hurşîd
Sezâdır dâg-ı âteş-tâb erbâb-ı gam-ı aşka
Mesîha sahk edip sâyîde kılsa cevher-i hurşîd
Düşünce aks-i tâb-ı ârızı câm-ı meye * Ekrem *
Olur her bir habâbı gûyiyâ bir sâgar-ı hurşîd
Cilveger nûr-ı tecellî dilde cânân nâ-bedîd
Arşı tutmuş pertevi hurşîd-i rahşân nâ-bedîd
Bir cihân-ârâ-yı gaybın dâg-dâr-ı tîriyim
Dilde bin zahm-ı belâ meşhûd peykân nâ-bedîd
Hoş siyâsetgâhtır deşt-i hevâ-yı la'l-i yâr
Her serâbı bahr-ı hûn olmuş şehîdân nâ-bedîd
Şöyle ser-gerdân-ı câm-ı bezm-i kurbum kim olur
