Çeşmime ser-tâ-be-pâ ecrâm-ı imkân nâ-bedîd
Dilde deryâsıyladır hûn-ı şehâdet kim eder
Katresi sad kerbelâ-yı deşt-i hicrân nâ-bedîd
Ger gidersem haşre giryân seyl-i eşkimden olur
Gülşen-i cennet harâb-âbâd-ı nîrân nâ-bedîd
Bü'l-aceb dîvâne-i aşkım ki * Ekrem * ben olur
Bir nigâh-ı vahdetimde küfr ü îmân nâ-bedîd
Zülfüñ k'ola tahrîk-i sabâdan mütelezziz
Ervâhı eder dâm-ı belâdan mütelezziz
Rûyun n'ola ger hâhiş-i hatt-ı siyeh etse
Kim şu'le olur reng-i dûcâdan mütelezziz
Rindân temâşâger-i âşûb-hırâmıñ
Cânıyla olur rûz-ı cezâdan mütelezziz
Tâ haşre degin aşkla me'lûf-ı azâb et
Yâ Rab dilimi kılma safâdan mütelezziz
* Ekrem * gibi hak-gûyların hâli fenâdır
Âlem olıcak vaz'-ı riyâdan mütelezziz
Cemâl-i pâki âsâr-ı tecellâ-yı muhabbetdir
