Meh ü hurşîd iki çeşm-i temâşâ-yı muhabbettir
Bu vaz '-ı ser-nigûnundan tehîdir sanma kudretle
Bu ne tâs-ı felek leb-rîz-i sahbâ-yı muhabbettir
Göñül aşkıyla bir nîrân-ı mahşer-sûzdur gûyâ
Kıyâmet ancak ol kadd-i dil-ârâ-yı muhabbettir
Abestir pîç-tâbım ketm-i râz-i derd-i aşkıñda
Ki her zahm-ı nigâhın tende gûyâ-yı muhabbettir
Olur mı seyl-i ceyhûn hem-hurûş eşk-i pür-hûnum
Göñül * Ekrem * muhît-i heft-deryâ-yı muhabbettir
Kavseyn-i kazâ halka-i cem'iyyetimizdir
Âdâb-ı rızâ ka'ide-i işretimizdir
Bîmâr-ı gama şöyle ki enfâs-ı mesîhâ
Bâr-efken-i dûş-ı dil-i bî-tâkatımızdır
Ol bâde-i cânız ki cihân-dâver-i irfân
Mest-i eser-i neş 'e-i bî-minnetimizdir
Şâhenşeh-i pür-debdebe-i mülket-i aşkız
Gavgâ-yı kıyâmet eser-i satvetimizdir
Âzâde eden kayd-ı fenâdan bizi * Ekrem *
Zûr-âveri-i serkeşi-i himmetimizdir
Dâg-ber-dildir dil-i sûzânıma tennûrlar
