Çekilsin ehl-i sühan rehgüzârdan * Ekrem *
Semend-i hâme yine zîr-i râhım olmuştur
Bezm-i visâl demleri hep hâtırımdadır
Ol âlemin keremleri hep hâtırımdadır
Cârub-ı iltifâtı gidermez derûndan
Hâr u has-ı sitemleri hep hâtırımdadır
Bülbüllerin figanını lånm degil beyân
Gül faslı ol nagamları hep hâtırımdadır
Peymân-ı şikendir ol büt-i gaddâr egerçi kim
Terk-i cefâ kasemleri hep hâtırımdadır
* Ekrem * tahayyül eyleyicek åh eder gönül
Bezm-i visâl demleri hep hâtırımdadır
Riyâzet zâhide devr-i bekanın cennetindendir
Fesâd ehl-i hevâya mâsivânm Iezzetindendir
Tecânüb bâ'is-i fikdân-ı hüsn-i zindegânıdır
Vuhûşa usret-i tahsîl-i dâne vahşetindendir
Verir zûr-ı hevâ deryâ-dilâna ruhsat-ı cünbüş
Telâtum yemde zîrâ rûzgâruñ şiddetindendir
Revâcın bulmasa * Ekrem * n'ola ger kâla-i irfân
Kesâd-ı ma'rifet nakkad-ı ilmiñ nedretindendir
