Nûr-ı ruhuñ ki çâk-i dilimden zuhûr eder
Her berkı dâg-ı sînemi mânend-i tûr eder
Dehşet-pezîr olur nigehinden dil-i kazâ
Hûn-ı ciger ki gamzeni mest-i gurûr eder
Bir lem'a-tâb-ı mihr-i ruhun akl-ı evveli
Âteş-firûz-ı hırmen-i sabr şu’ur eder
Sad reşk o ser-bürîde-i şemşîr-i aşkıña
Kim meşhedin tarabgeh-i şevk u sürûr eder
Ol mest-i râst-pûye-i aşka hased hased
Kim bî-fütûr cisr-i sırât-ı mürûr eder
*Ekrem * olınca şa’şa’a-pâş aks-i rûy-ı yâr
Hû nâbe-i sirişkimi deryâ-yı nûr eder
Ser-te-ser hâkan-ı âlem zir-i fermândadır
Sûre-i innâce 'âlnâk ol şehin şânındadır
Hızr olur kurban şehâdetinle aşk-ı pâkine
Cevher-i cân mevce-i şemşir-i bürrânındadır
Rûzgarın çeşm-i hâb-âlûdu bî-dâr olmasın
Mahşer-i âşub u mihnet zîr-i dâmâmndadır
Ser-te-ser şîrâze-i hüsn-i nizâm-ı kâ'inat
Pîç-pîç-i rişte-i zülf-i perîşânındadır
