Reşk ü gayretle olur ser-be-ser-zemîn-i haclet
Görse ger kadd-i ser-âzâdesini yed-i bahâr
Bülbül âvâzı değil nagme-gerân-ı gülşen
Her seher etmededir şevk ile temcîd-i bahâr
Düşse ger sâye-i zülf ü kaddi ol gonce-femin
Feyz-i tes'îri eder gülşene te'bid-i bahâr
Îd-i adhâda[1[1]] hâli-i çemen birbirine
Îd-i tebrîkin eder hem dahi tes 'îd-i bahâr
Nakş-ı rengîn ile * Ekrem * kalem-i tâze-edâ
Böyle eyler varak-ı hâtıra tesvîd-i bahâr
Câm-ı aşkın cür'asın erbâb-ı gam nûş ettiler
Şevkten dünyâ vü ukbâyı ferâmûş ettiler
Tutdı arş u kürsi yâ hayy na'rası ervâhtan
Vasf-ı la'liñ kim sarîr-i hâmeden gûş ettiler
Bezm-i aşka uğrayan risto-hıred âkıllerin
Nicesin bir câm ile ser-mest-i bî-hûş ettiler
Katresinde heft-deryâ-yı muhabbet mevc urır
Râh-ı aşkın kim içenler ben gibi cûş ettiler
*Ekrem * oldukça nigeh-senc-i mücâz ehl-i hevâ
Sanma hat rûy-ı dil ârâyı siyeh-pûş ettiler
- ↑ Bu gazelin inşâdı evvel bahâra müsâdif olan bir Kurban Bayramında idi.
