Âteşîn la'l-i lebi tebhâleden rencîdedir
Gonçe-i bâg-ı tecellâ jâleden rencîdedir
Âteş-i cândır o meh nâzikligin gör kim yine
İn'ikâs-ı âteş-i seyyâleden rencîdedir
Dâd kılmaz şefkat etmez âşık-ı mecrûhuna
Hem yine te'sîr-i âh u nâleden rencîdedir
Cilve-gâh etmez harîm-i câh-ı pür-sûzum o mâh
Şöyle nâziktir ki cismi hâleden rencîdedir
*Ekrem * âh etme ser-i kûyunda ol gül-berg-i nâz
Tef ü tâb-ı şu'le-i cevvâleden rencîdedir
Geh gavta-hâr-ı kulzüm-i Ummân-ı gurbetiz
Geh sîne-sûz-ı âteş-i nîrân-ı gurbetiz
Bî-hem-dem-i muvâfık u bî-yâr-ı gam-güsâr
Yâ Rab ne tîre-baht-ı garîbân-ı gurbetiz
Diller be-hem-nişîn-i ser-i zülf-i ham-be-ham
Biz târ mâr-ı vâdi-i hicrân-ı gurbetiz
Geh çetr-i bî-tınâb kurup dûd-ı âhtan
Deşt-i belâda hâne-be-dûşân-ı gurbetiz
Hûrşîd olur dehânımıza nemçegân-ı lûtf
Kim teşnegân-ı ser-i beyâbân-ı gurbetiz
