Bu sayfa istinsah edilmiş
Olsak aceb mi hem-reviş-i ömr-i bî-sebât
Şimdi reh-i fütâde-şitâbân-ı gurbetiz
Savruldı hâk olup tenimiz rûzgârdan
Ây vây hasretinle perîşân-ı gurbetiz
Oldukça dilde şu'le-feşân dâg-ı iştiyâk
Pertev-firûz-ı kûşe-i zindân-ı gurbetiz
Olmazsa kûy-ı yârda * Ekrem * vatan nasîb
Tâ rûz-ı haşr kadime-cünbân-ı gurbetiz
Hem berk-i cemâliz ruh-ı Leylâ'da ıyânız
Hem âteş-i aşkız dil-i Kays içre nihânız
Ol dâver-i aşkız dil-i sad-çâk ile her dem
Bin leşker-i endûh ü gama kehf-i emhanız
Biz hâk-nişîn-i der-i meyhâne-i aşkız
Keyhüsrev-i dânâ-dil-i Cemşîd-nişânız
Teng olsa aceb mi bize nüh-sâha-i imkân
Biz refref-i hoş-cünbüş-i âzâd-ı nânız
Yârân iledir da'vi-i bî-câmız acebkim
A'dâya tebehgerde-i nakd-i dil ü cânız
