Sirişk-i ye's ile bir demde bin ummân olur peydâ
Dü çeşmim çeşme-sâr u menba'-ı ceyhûndur göñlüm
Eger hâhiş-ger-i şevk-ı ta'allûm var ise gelsin
Sebak-mûz-ı aşk olmaklıga me'zûndur gönlüm
Celâliñ nazmını tanzîr ey *Ekrem* nice kabil
Meger endîşeme sûrette efsûndur gönlüm
Mülk-i aşka emîrdir gönlüm
Şeh-i gerden serîrdir gönlüm
Yâr cevr ü firâkını çekemez
Kaddi ham-geşte pîrdir gönlüm
Mâsivâya ta'allukum yoktur
Derd-i aşka esîrdir gönlüm
Kadri âlîdir eylemem inkâr
Sûretâ pek hakîrdir gönlüm
Derd-i esrâr-ı aşkın ey *Ekrem*
Cümlesinden habîrdir gönlüm
Zulmet-i deycûr gam-ı reng-i nehârımdır benim
Kehkeşân-ı çarh âh-ı pür-şerârımdır benim
Künc-i firkatte hayâl-i gonçe-i ruhsâr ki
Cây-ı âsâyiş derûn-ı hârhârımdır benim
Hurde-bîn-i çeşmime bahr-ı muhît-i şark u garb
