Katre-i seylâb-ı eşk-i hûn-nisârımdır benim
Dîde kim ser-çeşme-i mâ'ü'l-hayât-ı ye'stir
Zulmet ol vâdîde baht-ı tîre-kârımdır benim
Yâd-ı hatt u hâl-i ruhsârınla gird-i hasrete
Cilve-geh mir'ât-ı tab'-ı pür-gubârımdır benim
Tarf-ı zülf-i yârda *Ekrem* o dâm-ı fitneyim
Tâ' irân-ı kuds-i ser cümle şikârımdır benim
Mestâne-i peymâne-i meyhâne-i aşkım
Tâ rûz-ı ezelden beri dîvâne-i aşkım
Pür-neş'e-i âsâr-ı tecellâ-yı şuhûdum
Hûn-âb-ı cigerden dolu peymâne-i aşkım
Ben mahrem-i esrâr-ı şu'ûnât-ı kazâyım
Sûrette egerçi yine bîgâne-i aşkım
Havf eylemezem rahş-ı peykân-ı kazâdan
Zahm-ı gam-ı cânân ile mestâne-i aşkım
Cibrîl 'e serim cilve-geh-i şevk olur *Ekrem*
Gülzâr-ı muhabbette aceb lâne-i aşkım
Dîde-i hicrânı tâ ol rütbe pür-hûn eyledim
Katre-i eşkimle eflâki şafak-gûn eyledim
Mahv olup aşkınla buldumsa hayât-ı câvidân
Aşkıña cân u dili bin kerre merhûn eyledim
