Şikâyet eylerim *Ekrem* ol mâha cevrinden
Zamân zamân ne yamân bî-hicâb u âr olurum
Kaldır nikab-ı zülfünü hayrânın oldugum
Ey men helâk-ı gamze-i fettânın oldugum
Baglatma çeşm-i hasretimi îda hürmeten
Göster cemâl-i pâkini kurbânın oldugum
Yok mu garîb gönlüm için onda bir şikenc
Ey târ mâr-ı zülf-i perîşânın oldugum
Göndermedin esîriñe bir kez peyâm-ı lûtf
Deşt-i belâda âhla pûyânın oldugum
*Ekrem* ne çâre ka'il olur bir nigâha da
Ey men helâk-ı gamze-i fettânın oldugum
Dil ismet-i sevdâ ile me'nûs görünsün
Cibrîl ile hem-rütbe-i nâmûs görünsün
Bir âh-ı ciger-sûz çek ey dil yine gerdûn
Pür-velvele-i nâle-i efsûs görünsün
Arz et felege ârız-ı pür-tâbını bir kez
Hûrşîd pes-perdede mahbûs görünsün
Ol âşık-ı mehcûra vefâ kıl ki gamından
Cennetdede olsa yine me'yûs görünsün
