Bî-vâsıta kâri-i zebân etse tekellüm
Çeşminde bu bir şîve-i i'câz degil mi
Âvâze-i dehşet-figen-i sûr-ı kıyâmet
Aşk ehline hem-perde-i şehnâz degil mi
Ol cân alıcı çeşm-i sühan-gûları yârin
Bir yerde iki lâne-i şehbâz degil mi
*Ekrem* şeb-i gamda sana yâ hikmet-i işrâk
Pervâne de bülbül gibi dem-sâz değil mi
Şu'le-i dâg-ı cünûnun arş-rahmândır yeri
Dûd-ı âh-ı hasretin gerdûn-ı gerdândır yeri
Gerden-i billûrun oldukça nümâyân nûr-vâr
Pençe-i müjgânımın tarf-ı girîbândır yeri
Nazra-sây olsam n'ola her rûz u şeb dîdârına
Merdüm-i çeşm-i ümîdin rûy-ı tâbândır yeri
Çekmese dilden aceb mi attığı tîr-i gamı
Vâridât-ı sehm-i aşkın künc-i vîrândır yeri
Olmaz *Ekrem* zîver-i dest-i kabûl ü i'tîbâr
Böyle âsâr-ı behînin tâk-ı nisyândır yeri
Gönül gönül nice bir seyr-i bâg yetmezmi
Garaz safâ ise ezhâr-ı dâg yetmezmi
