Tig-ı hicri çâk-rîz-i sîne-i mecrûh iken
İhtifâ düşmez kemân-ı ebruvânından baña
Meclis-i vaslında giryân oldugum ma'zûr tut
Bir tabî'attır ki kalmış gam zamânından baña
Gülşen-ârâ bülbül-i vahdet-şinâsım kim gelir
Şevk-ı dîger âlemin devr-i hazânından baña
*Ekrem'im * zevk-âşinâ-yı vasl u hicrim mahşerin
Yok ümid ü bîm nîrân u cinânından baña
Rind-i aşkım âlem-i ma'nâ musahhardır baña
Keşf-i sırr-ı müşkilât emr-i müyesserdir baña
Feyz-yâb-ı mâye-i fakr u fenâyım tâ-ezel
Geşt-i sahrâ-yı muhabbet hacc-ı ekberdir baña
Pertev-efşân-ı semâyım sâye-endâz-ı zemîn
Himmetimden zillet ü rif'at berâberdir baña
Îsi-i eflâk-i tecrîdim zemîndir meskenim
Âsmân ü hâk-dân ma'nîde hem-serdir baña
Nâ'il-i nîm-iltifât-ı çeşm-i yâr olsam n 'ola
Zahm-ı hûnîn dag dag sîne-zîverdir baña
Ol perestişgâhtır dil âlem-i vahdette kim
Zerreler * Ekrem * birer levh-i musavverdir baña
