Dil-dâde olmuş ola meger kim vefâ saña
Kim düşmüş oldu rûz-ı ezelden cudâ saña
Cevrin o rütbe rûh-fezâdır ki dostum
Biñ gönlüm olsa eyler idim mübtelâ saña
Hâk iylesem vücûdumı râhında çokmıdır
Makbûl olaydı cânım ederdim fedâ saña
Kaydım degil o çeşm-i tegafülki sende var
Âlem olursa kasd ile ger âşinâ saña
Fersûde-pâ-yı vâdi-i ısyânsın * Ekremâ *
Bâr-ı diger degilmi libâs-ı riyâ saña
Zühhâd vârını telef eyler hayâta heb
Uşşâk nakd-i cân verir ammâ memâta heb
Ber-aks olub şerî'at-ı dîn-i muhammedî
Olmış bedel rişâ-yı ekâbir zekâta heb
Ragbet cihânda servet ü câh u celâledir
Bî-gânedir zamâne kemâl ile zâta heb
Muhtel olub dimâg-ı halâyık tıbâ'-ı nâs
Olmış mu'ayyeb âr u edeb-i kâ'inâta heb
*Ekrem * nedir bu sır aceb kim hemâre halk
Müfsidleri mukarin eder iltifâta hep
