İrtifâ'-ı câh ile mukbil ne nâz eyler bana
Rind-i rıf'at düynenim gerdün niyâz eyler baña
Nâ-murâd ol rind-i mahviyyet-nişânım kim kazâ
Râh-ı aşk-ı şu’le-i hestî-güdâz eyler baña
Âzim-i mi 'rac-ı vaslım mahrem-i bezm-i yakîn
Hâmil-i vahy-i Hudâ ifşâ-yı râz eyler baña
Beste-i kayd-ı ta'alluktur dilim zülfünde tâ
Aşk-ı ulviyyetle arz-ı imtiyâz eyler baña
Mahv eder * Ekrem * vücûdum tâbiş-i berk-ı cemâl
Ol sebebden yâr hüsnün nîm-bâz eyler baña
Ruhmı bu yâ âftâb-ı sevdâGiysû mu o yâ sehâb-ı sevdâ
Âlemleri kırdı tig-ı gamzeñEy dîdesi mest-i hâb-ı sevdâ
Eylerdi Kelîm'i mest-i bî-hûşGer eylese bir hitâb-ı sevdâ
Nakş oldı dile hat-ı 'izârınHer noktası bir kitâb-ı sevdâ
Her kanda olursa eyler ihyâSad mahşer-i ıztırâb-ı sevdâ
Şûr-efken-i âftâb-ı gamdırRûyundaki âb ü tâb-ı sevdâ
Zevk-ı dil ü cânım oldu * Ekrem *
Cevr ü gam-ı bî-hesâb-ı sevdâ
Güftügû-yı gayb zâhirdir beyânından baña
Fâş olur sırr-ı adem zîrâ dehânından baña
