Yazdıklarıma Karşı
Yazdıklarıma Karşı
Bir iştiyâk-ı dimâgîye inkıyâd ederek
Yarım sürûr ile sekrân, fakat yarım nâdim,
Bugün sahâyif-i eş'ârıma nigâh ettim;
O eski dâr-ı hayalimi istedim görmek...
Bir incilâ-yı heves bir kitab-ı hissiyyât
Ki her sahifesi kalb-i ferişteden sâkin,
Ki her hikâyesi bir nagme-i emel... Lâkin,
Bütün o sözleri tekzîb eder kitâb-ı hayat,
Nedir bu defter-i mugfil, bu defter-i ilhâm?
Çevir sahîfe-i ümîdi ey yed-i kederim,
Açılsın artık o vâzıh sahâyif-i 'âlâm.
Şeb-i hayatıma degmez şuâ'-ı ilhâmım;
Ne lâzım ufk-ı muzî, ey hayâl-i derbederim,
Yeter benim şu karanlık semâ-yı âlâmım...
Cenab Şahabeddin