Yâra Ne Ey Müddeî Çok Çok Gün Ahumdan Benüm
Yâra ne ey müddeî çok çok gün ahumdan benüm
Yüz çevürnıez âyine rûy-i siyâhumdan benüm
Ey kamer bin yıldürür kim ölenün dirler günah
Gel berû öldür beni kaçma günahlımdan benüm
Görinen yılduz değül yir yir delinmişdür felek
Gün yüzünün hasretiyle tîr-i ahumdan benüm
Pâdişâhımı leşker-i mihnet şebîhûn itdüğin
İşidesen bir gün âh-ı subh-gâhumdan benüm
Âşıkun bağrında zehr-âlûd hançer olduğuı
Kabrüm üstine gelen bilür giyâhumdan benüm
Za'ferânın yüzümün göynüklü âhumdur satan
Lîkin ol gül-çihre almaz âh u vâhumdan benüm
Gözi öğrenmlşdürür âşıkları öldürmeğe
Ey Necâtî zulm gelmez pâdişâhumdan benüm
Kaynak:
Telif durumu: 
İlk kez Osmanlı İmparatorluğu'nda yayınlanan bu çalışma devletin uluslararası telif anlaşmalarına taraf olmaması sebebiyle kamu malıdır. 
|
