Validemin Sesi

Nedir bu ses ki huzurunda dil diz üstü düşer?
Nedir bu ses ki eder daime serimde du'a,
Ki leyle-i gam içinde eder küşâde bana
Bir âşiyân-ı tesellî, bir âşiyân-ı seher?

Nedir bu ses ki sarar kalbe bir litâfe-i ter,
Ki zahm-ı ruha döker katre katre âb-ı rehâ?
Bu mûsikâr-ı şikeste-per ü nevâzişedâ
Nedir bu nahl-i hayatımda irti'âş eyler?

Nedir bu ses ki eder buselerle cana hitâb..
Bu ses ki verdigi hüzne döker sirişk-i nedem..
Bu ses ki afv ile aglar eger ederse itâb?

Benim.. Benim dil-i nevmîdimin meded-residir
Bu hutbe-i melek-i tesliyet, bu lahn-ı irem
Ki hasta vâlidemin giryenâk olan sesidir!

Cehab Şahabeddin