tüfengi, askerlerimiziñ cesaretini kıramadı. Murad aga siperler kazarak adım adım ilerileyordı. gazilerimizden üç yüz kişi düşmanıñ limandan karaya dökdüğü biñlerce piyadesini, süvarisini, tarma tagın idiyordu.
Bu muharebeniñ eñ cesur kahramanı murad aga idi. Düşman bile onuñ cesaretinden yılmışdı. Murad aga, muhasaranıñ beşinci güni hanyanıñ siperlerine kadar ilerledi. Düşmanıñ askerlerimize hücûm içün kaleden dışarıya ugrayan askerlerini tarma tagın itdi. Murad aganıñ elinden kurtulanlar, yaralarından kanlar akarak, hendege döküldiler. Bİr çokları kolsız, başsız, yerlere serildiler. Artık bu dayakdan soñra, bir daha kaleden dışarı çıkmaya cesâret idemediler.
Muhasaranıñ tokuzıncı güni, kandiya kalesindeki düşman buñları osmanlılarıñ hanyayı kuşatdıklarını haber aldılar. Hanyanıñ imdâdına kuvvetli bir müfreze gönderdiler. Fakat [okunamadı] 'alî beg kahramanlıgı sayesinde düşmanıñ bu kuvvetide püskürtüldi. âlî beg hanya etrafını sımsıkı muhafaza itdi, maiyetindeki serdengeçdilerle hemân her tarafa yetişebildi.
Muhasaranıñ on birinci güni cezâyirden ordumuza gemiler dolusı imdâd geldi. O gün askerlerimiziñ yüzi geldi.
