Murad aganıñ kahramanlıkları
Serdarıñ emri ile nihâyet hanya kalesi kuşatıldı. Hanyanıñ yanındaki adalar birer birer alındı. Top, tüfenk gürültüleri ortalıgı sarsmaya başladı. Deñizden gemilerimiziñ, karadan askerlerimiziñ topları divarları parçaladı. Gökyüzini kara bir duman kapladı. Düşmanıñ hiylesine haddâ'sına bakılmadı. Kurdıgı lagımlar patlatıldı. Gazilerimizden niceleri şehid oldı. Fakat şehid olanlarıñ arkadaşları kardeşleriniñ intikamını almakdan geri turmadılar. Hanyanıñ yanıbaşındaki (Aya todurı) kalesi bir hamlede alındı. Lagımlarda şehid olan gazileriñ intikamı düşmanıñ yanına bırakılmadı. Düşman köleleri serdarıñ öñüne getirildi. Asker bu gayretle, bu şiddetle hanya kalesini kuşatmaya başladı.
Ola, hanyaya dışarıdan imdad gelmesin diye deñiz tarafındaki bdogazlar tutıldı. Kaleyi top ateşine tutmak içün karşıdaki yüksek tepelere siperler kazıldı, toplar yerleştirildi. Murad agada bu esnâda maiyetindeki gazilerle sipere girdi. Her şey tamam olınca, toplarımızıñ velvelesi eflâka
