gibi salına salına sokakdan geçerken, papas bayagı kederlendi:
—türk atınıñ buraya ayak basması iyi olmadı.
Rodosda, kıbrısda da böyle oldı. Soñra o adalar hep türküñ eline geçdi!
dedi. papasıñ sözi dogru çıkdı: fi'l-hakika, sünbül aganıñ ugradıgı felâket istanbulda haber alındı. Venedikli korsnalarıñ bu yolsuz işleri padişahımızıñ gücüne gitdi. Düşmana bu kabahatiniñ cezâsını virmek içün venediklilere sefer açıldı. Sefere yusuf paşa serdâr ta'yin olundı. Tersanede gece gündüz çalışıldı. Gemiler, kürekçiler hazırlandı. Mavnalar, kadırgalar tedârik olundı. Sultân ibrahim her gün tersaneye gider, gemileriñ bir an evvel hazırlanmasına gayret iderdi.
Nihâyet nisanda hazırlık bitdi. Yusuf paşa yüzlerce gemi, biñlerce askerle istanbuldan yola çıkdı. Kıyılardan açıldıgı zaman, düşmanıñ ufak tefek gemilerine rast geldi. Meger venedikliler giridiñ imdâdına yetişmek içün der hâl cebhâne tolu bir gemi göndermişler. Bu gemi bir cümlede zabt olundı. İçinden alınan askerler kürege konuldı.
Yusuf paşa fırtınlara gögüs gererek, rast geldigi gemileri yakalayarak, girit adasına yaklaşdı. Bir gün, ikindiye
