Nukuş-ı reng-i hüsnün zâ'il olmaz levh-i merdümden
Nice tûfân-ı hasret yagsa her lâhza uyûnumdan
Hoşâ sahrâ-yı bî-pâyân-ı vahşet kim bir olmuştur
Firâz u şîbi yekser savt-ı zencîr-i cünûnumdan
Yeter mesned-güzîn-i evc-i eflâk oldugun zîrâ
Yanar bir gün bu âlem âteş-i âh-ı derûnumdan
Ben ol ayyâr-ı âlem gamze-i şûh-ı dil-âşûbum
K 'olur hârût ser-gerdân-ı gam nakş-ı füsûnumdan
Neberd-âmûz-ı ikbâlim o sahrâlarda kim *Ekrem*
Girîzândır saf-ı cünd-i melâmet baht-ı dûnumdan
Ey âfet-i aşk ehl-i dile başka safâsın
Dünyâ ile ukbâyı deger turfa belâsın
Ey cân-ı belâ-dîde halâs ol kederimden
Hôşâ ki bu gün hâk-i reh-i yâre fedâsın
Ol şu 'le-i dîdâr ki var tavr-ı ruhunda
Mûsâ da olursa sana âşüfte sezâsın
Hem zerrelere bâ 'is-i ârâm-ı dil ü cân
Hem cân u dile zelzele-endâz-ı hevâsın
Şeb-rengi-i hattınla hicâb-efgen-i takdîr
Çâlâki-i gamzenle mühim-sâz-ı kazâsın
