Bir nigâh-ı iltifât etme bu bezmin câmına
Kâse kâse hûn-ı dil nûş eyle câm-ı Cem gibi
Bir mehin şûrîde-hâl-i aşkıyım ben nâ-murâd
Hâtır u fikrim perîşân olmada *Ekrem* gibi
MatâliBu oldu bir zamândır nâle-i Şâm u sehergâhım
Baña yokmuş cihânda yâr senden gayrı Allâh'ım
DigerAşnâ-yı vahdetim âyin-i uzlettir baña
Gûşe-i dil bezm-i hâsü 'l-hâs-ı ülfettir baña
DigerAşk kim bir kalbi hem magmûm hem şâd eylemiş
Gösterip i 'câz dehre cem '-i azdâd eylemiş
DigerUşşâkına bir tünd nigâh eyledin âhir
Sâmânımızı mahv u tebâh eyledin âhir
DigerEy baña mihneti sermâye-i ârâm u hayât
Oldu aşkın ten-i mecrûhuma peyvend-i sebât
DigerOlan ser-germ-i hayret ârzû-yı kâm-ı âlemden
Olur âzâde-dil endîşe-i encâm-ı âlemden
DigerSen yalnız uşşâkını dîvâne sanırsın
Halkı bu şifâ-hânede âyâ ne sanırsın
DigerÂşıkım âh-ı dem-â-dem lâyık-ı şândır baña
Sûz-ı sevdâ âteş-i gam râhat-ı cândır baña
