Bu sayfa istinsah edilmiş
Na't
Lüknet-zedâ-yı nâtıka nâm-ı Muhammed'î
Râhat-fezâ-yı rûh-ı kelâm-ı Muhammed'î
İkrâh eder cihâna nigâh etmeden gözüm
Oldukça dilde aşk u garâm-ı Muhammedî
Şâm u seher minâre-i nahl üzre bülbülân
Tesbîh eder salât u selâm-ı Muhammed'î
Ki sidregâh-ı arş-ı berîn oldu nûr-vâr
Hasr olmadı bu hâke makam-ı Muhammedî
Kanûn yapar ukul nizâm-ı umûr içün
Mevcûd iken şerî'at-ı tâm-ı Muhammed'î!
Ekrem sa'âdet-i dü-cihân ise maksadın?
Tut râh-ı şer'-i haşr-ı kıyâm-ı Muhammed'î
Diger
Şer'i makbûlünle sensin muktedâsı âlemin
Ey Nebî ey şâfî'-i rûz-ı cezâsı âlemin!
Mahz-ı cân etti seni ey rahmeten li'l-âlemîn
İns ü cinne hâlık-ı arz u smeâsı âlemin
Sensin ol sultân-ı evreng-i risâlet kim bütün
Dergehinde bendedir şâh u gedâsı âlemin
