Bu sayfa istinsah edilmiş
43
Kıymette tâc-ı keydir insân onunla hayydır
Dünyâda başka şeydir evlâda mâlik olmak
Kılsın hemân mu'ammer bâ-izz ü şân-ı evfer
Bu tıfl ile berâber ol mîre aklı Hak
Nâ-çâr eyler * Ekrem * tâ'rîhime cihân reşk
Verdi Hüseyn-i sıdkı bezm-i şühûda revnak
Sene 1283
-
Târih-i velâdet
Eyleye mevlâ mu 'ammer bâ-kemâl-i âfiyet
Geldi mecdile bu me'vâ-yı atîka Âyişe
Eylesin tavsî'-i menzil Hak büyüttükçe velî
Şimdi nâ-çâr oldu konmak mehd-i zıyka âyişe
Neffia-rîz etsin cihâna gonçe-i ruhsâr ile
Sünbül-i giysûsunu hemçün hadîka Âyişe
Vâlidinden mâderinden düşmesin ayrı müdâm
Onlara olsun bu âlemde refika âyişe
Arşa ta'lîk olsa ta'rîh-i nefis * Ekrem * becâ
Zîver-i mehd-i cemâl oldu Şefika âyişe
Sene 1282
