50
Hayli müddet anda tahsîl-i fünûna sa'y ile
Eyledi levh-i dilin mecmû'a-i rengîn-ter
Gerçi bir nevres-civân idi hakîkatte velî
Bâtınen eylerdi temyîz-i tarîk-i hayr u şer
Hem yetîm idi ederdi girye-i hasret-nisâr
Hâtır-ı mahzûnuna gâhîce geldikçe peder
Terk edip bu tengnâ-yı mihneti âhir bûda
Mürg-ı rûhu açtı firdevs-i berîne bâl ü per
Füc'eten gûş eyleyince fevtini * Ekrem * hemân
Söyledim târîhini her neyse bâ-hüzn ü keder
Ta'miyem te'sîr-i mazmûn-ı du'âya dâldir
Rûh-ı pâk-i Âtıf'a gülzâr-ı adn olsun makar
Sene 1281
Nedir menâfi'i emrse rûzenin bilmem
Bu dâr-ı pür-miheni cilvegâh eder âdem
Ne hazzı var meselâ ayş u nûş kılsa kişi
Degil mi âhiri nîş-i belâ vü zahm-ı elem
Bu oldı deydene-i rûzgâr-ı bed-girdâr
Ki her meserretin elbet sonu olur mâtem
