Olur Fer-i Ceberûta Penâh Gözleriñiz
Olur fer-i ceberûta penâh gözleriñiz
Düşük düşük süzülünce siyah gözleriñiz
Nedir o surh-ı musaffâ seher dudaklarda?
Şafak yanaklarınız gün ilâh! gözleriñiz
Sabâh-ı rûşeni gördüm bakınca çehrenize
Hazîn hâzin mütebessimmiş âh gözleriñiz
Hiç ayrılır mı murûk-ı şuâ-ı mâhından
Ne müttefik o semâvînigâh gözleriñiz
Ne sâhirâne nigehli! Ne kâhirâne durur!
Bulunca kirpiginizden siyâh gözleriñiz
Beni gırîv-i perîşân içinde aglatan âh!
Gönül üzen nigehindir güvâh gözleriñiz
Yazık! Niçün gece gündüz döker sirişk-i keder?
Harab olur bu gidişle günâh gözleriñiz
Dumû'unuz mütebessim, figânınız âheng
Siz agladıkça olur handegâh gözleriñiz
Cenab