Nevrûz

Güzâr eden on iki saatin hayâlâtı
Bulutların leb-i hûnbârı üzre giryândır!
Yazar bulutlara âfak, dense şâyânıdr,
Hayata dair olan en hazîn makâlâtı!

Geçen zamanlarımın baygın iştiâlâtı
Semâda aglayan akşam ile nümâyândır;
Hayâle muhtır-ı telhâb cûy-ı nisyândır
Demâdem ezminenin böyle istihâlâtı!

Ufukta cebhe-i âl-i gurûb edince bürûz
Dehân-ı sürhu ile bir hayâl-i hamr-âşâm
Şu fıkrayı bana etti hikâye dün akşam:

«Gözü tesadüf edince şuûn-ı müzmineye
Kucagına on iki saati alıp nevrûz,
Atıldı varta-i nisyân-muhât-ı ezmineye!..»

Cenab Şahabeddin