Nazîre-i Gazel-i Muallim
Nazîre-i Gazel-i Muallim
Gözlerim bir dilsitânıñ vâlih ü hayrânıdır
Bir melek mihmânserâ-yı sinemiñ mihmânıdır
Cennet âbâd-ı meserretdir dilim ey ehl-i 'aşk
Çünki dil bir cennetiniñ ka'be-i umrânıdır
Çeşm-i sehhârıyla aldı kabza-i teshîrine
Bir melek-sîma vücûd ikliminiñ sultânıdır
Ehl-i temkin tab'-ı hıffet güsteri cennet bilir
Meşreb-i tedbîrperver âkıliñ mîzânıdır
Ehl-i gayret bahs-i hikmette tereddüd eylemez
Hâce-i erbâb-ı gayret kuvve-i im'ânıdır
Tıbbiye-i 'askeriyeye mensûb
Cenâb