Nağme-i Seher/Kafiye-i Zâ/Altıncı Gazel
Müşterek
| Ekrem | Câna her cünbüşi vahy-âver-i i'câz henüz | |
| Gamze-i sâhiri cibrîl ile hem-râz henüz | Namık | |
| Namık | Şöyledir rıf'atıkim zerre-i hâk-i rehiniñ | |
| Aftâb etmemiş ol rütbeyi ihrâz henüz | Ekrem | |
| Ekrem | Cevher-i cânım idi seng-i reh-i meşhed-i aşk | |
| Olmadan tîg-ı kazâ ma'reke-perdâz henüz | Namık | |
| Namık | Azm et ey rûh şehâdet-gede-i aşkına kim | |
| Câna meyl eylemiş ol gamze-i ser-bâz henüz | Ekrem | |
| Ekrem | Kıldı meftûn nigehin dilleri hârût-misâl | |
| Etmeden gamzelerin fitneye âgâz henüz | Namık | |
| Namık | Sînesin âh ile dil pârelemiş yârelemiş | |
| Etmemiş yâre ciger-pâresin ibrâz henüz | Ekrem | |
| Ekrem | Dil-i uşşâkı helâk eyledi nâz-ı nigehiñ | |
| Âşık öldürmeden eyler nigehin nâz henüz | Namık | |
| Namık | Oldı yek cünbüşü çâk-efken-i sad dâm-ı belâ | |
| Mürg-ı rûh olmadı tâb-âver-i pervâz henüz | Ekrem |
| Ekrem | Oldı hûn-âb-ı sirişk ile derûn tûfân-zâr | ||
| Dilde tennûr-ı muhabbet şerer-endâze henüz | Nâmık | ||
| Tab'-ı *ekrem'le* dil-i *nâmık* âzâdîyi gezer | |||
| İki bülbüldür olur şevkle dem-sâz henüz |