Lebini âl ile öpmüş ola mı peymâne

Vikikaynak sitesinden
Gezinti kısmına atla Arama kısmına atla

Lebini âl ile öpmüş ola mı peymâne
İçeyin ölmez isem kanını kane kane

Nûş-i câm eyler ise meclis-i uşşâk icre
Lebin ol hâlet ile girmemek olmaz kane

Bezm-i meydir güzelim kan ola şâyed arada
Çekmesün gamzelerin hançerini mestâne

Râzını nâle ile âleme fâş itdi gönül
Bizi rüsvâ-yı cihan eyledi bir divâne

Ayş ü işret demidir çekme gam-ı devrânı
Bâkiyâ gel berü sâgar çekelün rindâne