Hayret ey büt sûretin gördükte lâl eyler meni

by Fuzûlî

Okunuşu

Orijinal yazılışı

Hayret ey büt sûretin gördükte lâl eyler meni Sûret-i hâlim gören sûret hayâl eyler meni Mihr salmazsın mana rahm eylemezsin munca kim Sâye tek sevdâ-yı zülfün pây-mâl eyler meni Za’fı tâli mân-i tevfik olur her nice kim İltifâtın ârzû-mend-i visâl eyler meni Men gedâ sen şahâ yâr olmak yok ammâ neyleyem Ârzû ser-geşte-i fikr-i muhâl eyler meni Tir-i gamzen atma kim bağrım deler kanım döker Akd-i zülfün açma kim âşüfte-hâl eyler meni Dehr vakf etmiş meni nev-res civanlar aşkına Her yeten meh-veş esîr-i hatt u hâl eyler meni Ey Fuzûlî kılmasam terk-i tarîk-i aşk kim Bu fazilet dâhil-i ehl-i kemâl eyler meni

حیرت ای بت! صورتڭ گوردوکده لال أیلر منی ! صورت حالم گورن صورت خیال أیلر منی! مهر صالمازسݣ منه، رحم أیله‌مزسڭ بونجه‌کیم ، سایه تک سودای زلفڭ پایمال أیلر منی . ضعف طالع مانع توفیق اولور هر نيجه‌کیم التفاتݣ آرزومند وصال أیلر منی. من گدا سن شاهه یار اولمق یوخ اما نیله‌ییم آرزو ، سرگشتهٔ فکر محال أیلر منی. تیر غمزڭ آتماکیم باغرم دلر قانم دوکر، عقد زلفڭ آچماکیم آشفته حال أیلر منی دهر وقف ایتمش منی نورس جوانلر عشقنه هر یتن مهوش اسیر خط و خال أیلر منی ای فضولی قیلمازام ترک طریق عشق‌کیم ، بو فضیلـت داخل اهل کمال أیلر منی .