Gazel ('tır baña' redifli)

by Cenab Şahabeddin

Gazel

Hây hûyuñ, hây hâyıñ bahşı rikkattir baña
Hiss-i rikkat perver ammâ bir tabiattır baña
Hayret etmem âfitâb eylerse magrupten tulû
Aks-i kânûn-ı tabîat ayn-ı hikmettir baña
Vâiz-i beyhûde gûya şaklaban meddâhtır
İnkılâbat-ı zamân üstâd-ı ibrettir baña
Olmuyor zîb-i zamândan göñlüm artık müstefid
Köhne âbâdî-i âlem dehr-i nüzhettir baña
Biz tekâpûyu cinâyet adddeden mücrimleriz
Pâyegâh-ı dûn-ı millet genc-i zillettir baña
Nâ sezâ bir mevkî-i mümtâzı ihrâz eylemek
Pâk olan vicdâna karşı bir cinâyettir baña
Müstefid-i iltifâtı alçagın alçak olur
Levm ü tahkîr-i edânî fart-ı izzettir baña
...............................................
Kûşe-i uzlet gibi kasr-ı saadettir baña
Cenab