Dehân-ı Yâr

Vikikaynak, özgür kütüphane
Dehân-ı Yâr

Diz üstü dinledigim nagme-yi beyânınla
Leb-i şikâyetim olmakta mülzem ü mebhût...
Benim bütün seb-i ömrümdeki diyâr-ı sükût
Dolar terâne-i mestâne-i dehânınla.

Senin dü-dest-i vedâ'ından ayrılınca elim,
Kulaklarımda kalan sözlerinle aldanırım:
Deminki sözleri yâd eyledikçe ben sanırım
Ki şimdi boş odada kendi kendime degilim!

Dudakların bana bir yâr-ı tesliyet bırakır;
Dudaklarından uçan mûsiki-i râz-ı hayat
Şeb-i fütûruma bir va'd-i mes'adet bırakır.

Bütün yalandır o hoş nagmeler, fakat ne zarar;
O kizb içinde bulur kalbim ihtizâz-ı hayât,
Hayatımı o yalanlar birer ümide sarar.

Cenab Şahabeddin