Câme-hâb ol âfeti aldıkça tenhâ koynuna

Vikikaynak sitesinden
Gezinti kısmına atla Arama kısmına atla
Câme-hâb ol âfeti aldıkça tenhâ koynuna
Bâkî
Vezin : Fâilâtün fâilâtün fâilâtün fâilün

Câme-hâb ol âfeti aldıkça tenhâ koynuna
Sanuram ebrin girer mâh-ı şeb ârâ koynuna

Subh-dem ey fâhte bî-hûde efgaan eyleme
Çün girersin her gice bir servi bâlâ koynuna

Niçün ağlarsın felekden bilsem ey şeb-nem seni
Girmesen bari hele bir verd-i ra'nâ koynuna

Dür dişin vasfında şi'rim defterin gördü meğer
Kim sadef mecmûasını aldı deryâ koynuna

Ruhlerin şevkiyle pür-dâğ itdi Bâkî sinesin
Bir avuç berg-i gül-i ter koydu güya koynuna