Ba'de'l-Gurûb

Şehrin bütün sâda-yı hayatâşinâsını
Bir nefha-yı sükût u sükûn
Vasi' bir âştî-i derûn
Mass etdi, mass eder gibi bir kuş nevâsını.

Arzın bütün hayat-ı nehâriyesi bu dem
Bir solgun ebr ucunda gibi.
-En hisli bir marîze gibi-
Ufkun gelir kulagına der: «ben ses istemem!»

Hürmetle bir günün şu degersiz ricasına
-Mürgân, -o nây u rûh-ı riyâz-
Emvâc, -o kalb-zâr-ı hıyâz-
Her şey sükût ile bakar ufkun likâsına...

Cenab Şahabeddin