Şi'rim İçin

Vikikaynak, özgür kütüphane
Şi'rim İçin


Bir çâre-i fennî ile tahfîf edemezsem
Evzân ile tenkîs ederim bâr-ı hayatı;
Gerçi bilirim leng-i hakâyıkzede, ebkem,
Bîkafiye bir sayhadır 'ömrün nakaratı.

Âfâk-ı hayâtımda bir efgân işitirsem
Derhal olurum revzene-i vezne şitâbân;
Elhân arasından görünün manzara-i gam
Bir hâle-i handânda durur sâkit ü lerzân...

Mahsûs olur a'sâbıma mevzûn eserinde
Elfâz-ı felâket bile mestûr-ı tebessüm;
Perverde olur şâhnişîn-i kederimde
Ezhâr-ı fesâhatle nihâlân-ı terennüm..

Şi'rimle demâdem olurum mugfel ü mes'ûd;
Tezhîb ederim nûr-ı hayâlât ile derdi;
Bid dûd-ı zerendûd-ı tesellî ile mahmûd
Bir levha olur her elemin çehre-i serdi.

Cenab Şahabeddin