Şi'r-i Nâ-nüvîşte

Vikikaynak, özgür kütüphane
Gezinti kısmına atla Arama kısmına atla
Şi'r-i Nâ-nüvîşte

İlhâm ider tabi'at bir şi'r-i sâf ü garrâ'
Bir şi'r ber güzîde her kalb-i gam sirişte;
Tanzim ider o şi'ri gûyaki bir ferişte;
Tanzim iylerde sonra bir kalbe iyler ilkâ!
Her gün dirim: «O şi'ri en sonra yazdım işte»
Her gün beni hakikat tekzib ider, dirîgâ!
Hâlâ yazılmamışdır hemde yazılmaz asla
Kalbimde da'im aglar ol şi'r-i nâ-nüvişte!
İşte cihânda mutlak her şâ'iri mükedder
Bir rûhı çâk idübde ol şi'ri bulmak ister
Ancak türâb olunca kalbi bulur ol şi'ri!
Her şâ'irin cihânda bakî kalır muhakkak
Bir nâ-nüvişte şi'r-i nâ-şinîde fikri
Ol fikre şi'r mutlak dinse revâdır elhâk!

Cenâb Şahabeddin