Yadigâr-ı Şebâb/Lahn 7

Vikikaynak, özgür kütüphane
Gezinti kısmına atla Arama kısmına atla
Bir cefâ-pîşeye dil-dâde idim

Varta-i hicrine üftâde idim

Beste-i kayd-ı ta'alluktu gönül
Ben yine hürr ü ser-âzâde idim

Hiç karârım yoğidi cûy gibi
Geh çemende gehi sahrâda idim

Bâdeden olma değil neş'e-gedâ
Neş'ede gıbtada bâde idim

Resmle külfeteyim şimdi esîr
Âh evvel ne kadar sâde idim

Yoğidi keyfime bir dahl edecek
Bey gibi zevkimi icrâda idim

Geçti rü'yâ gibi âh ol demler !
O güzel günler o hoş âlemler !