Vebanın Def‘i İçin Camilerde Ahkaf Suresi Okunması Hakkında Buyruldu

Vikikaynak, özgür kütüphane

İstanbul ve Üsküdar ve Galata ve Haslar kādîlarına başka başka;

Bi-hikmet-i Rabbânî işbu sene-i mübârekede Dârü’s-saltanatü’s-seniyye ve civârında vâki‘ mahallerde tâ‘ûn ve vebâ hastalığı müstevlî olmuş ve eserde sâbit ve bi’t-tecrübe âsârı meşhûr ve mukaddemce tenbîh kılındığı üzere cevâmi‘-i selâtîn ve mesâcid-i sâ’irede ba‘de edâ-i salâtü’s-subh Sûre-i Ahkāf tilâvet olunmakda olup el-hâletü hazihi hastalık refte refte mündefi‘ olmağa yüz tutmuş ise de sür‘at-i def‘ ve te’sîrine bâdî olmak içün selâtîn-i azâm cevâmi‘-i şerîfeleri ve cevâmi‘-i sâ’ire minârelerinden dahi tulû‘-ı fecrden mukaddemce cehren Sûre-i Ahkāf tilâvet ba‘dehu salât u selâm kırâ’at hâtimesiyle inşâallâhurrahman hastalık-ı mezkûrun külliyen indifâ‘ı havâs-ı Kur’âniyye [ve] te’sîr-i rûhâniyye delâletiyle cenâb-ı Kādi’l-hâcâtdan mütemennâ olmağla imdi ba‘de edâ-i salatü’s-subh cevâmi‘-i selâtîn ve mesâcid-i sâ’irede e’imme Sûre-i Ahkāf tilâvet etmekde iseler de sür‘at-i te’sîri içün selâtîn-i azâm cevâmi‘-i şerîfeleri ve sâ’ir mümtâz olan cevâmi‘ minârelerinde dahi kable’t-tulû‘u’l-fecr Sûre-i Ahkāf tilâvet olunmak ve ba‘dehu salât u selâm virilmek üzere lâzım gelen e’imme ve mü’ezzinlere tenbîh olunarak ale’d-devâm tilâvet itdirilmesi husûsuna mübâderet eyleye deyu.

Fî 14 N sene [12]27/21 Eylül 1812