Terkîb-i Bend (Birinci Bend)

by Bağdadlı Rûhî

“	Sanman bizi kîm şîre-i engûr ile mestüz Biz ehl-i harabâtdanuz mest-i Elest’üz Ter-dâmen olanlar bizi âlûde sanur lîk Biz mâil-i bûs-i leb-i câm ü kef-i destüz Sadrın gözedüb neyleyelim bezm-i cihânın Pâ-yi hum-i meydir yirimüz bâde-perestüz Mâil değilüz kimsenin âzârına ammâ Hâtır-şiken-i zâhid-i peymâne-şikestüz Erbâb-i garez bizden ırağ olduğu yeğdir Düşmez yere zirâ okumuz sâhib-i şestüz Bu âlem-i fânîde ne mîr ü ne gedâyuz A’lâlara a’lâlanuruz pest ile pestüz Hem-kâse-i erbâb-ı dilüz arbedemiz yok Mey-hânedeyüz gerçi velî ışk ile mestüz Biz mest-i mey-i mey-kede-i âlem-i cânuz Ser-halka-i cem’iyyet-i peymâne-keşânuz	”