Terkîb-i Bend (İkinci Bend)

by Bağdadlı Rûhî

“	Sâkî getür ol bâdeyi kim dâfi’-i gamdur Saykal ur o mir’âta ki pür jeng ü elemdür Dil-besteleriz bizden ırağ eyleme bir dem Ol bâdeyi kim nûr-ı dil ü dîde-i Cem’dür Ey hâce fenâ ehline zinhâr ululanma Dervîşi bu mülkün şeh-i bâ hayl ü haşemdür Hâk ol ki Hudâ mertebeni eyleye ‘âlî Tâc-ı ser-i ‘âlemdür o kim hâk-i kademdür Gel doğrulalım mey-kedeye rağmına ânın Küm bâr-ı riyâdan kad-i bergeştesi hamdur Mey sun bize sâkî bizüz ol kavm ki bize dirler Rindân-ı sabûh-zede-i bezm-i kıdemdür Bu nazmı Beyânî’den işit hâle münâsib Kim zübde-i yârân-ı suhandân-ı ‘Acem’dür Mâ rind-i sabûhî-zede-i bezm-i Elest’îm Pîş ez heme dürdî-keş ü pîş ez heme mestîm	”