Terkîb-i Bend (Üçüncü Bend)

by Bağdadlı Rûhî

“	Hoş gûşe-i zevk idi safâ ehline ‘âlem Bir hâlle sürseydi eger ‘ömrini âdem Sıhhat sonı derd olmasa vuslat sonı hicrân Nûş âhiri nîş olmasa sûr âhiri mâtem Bu ‘âlem-i fânîde safâyı ol eder kim Yeksân ola yanında eğer zevk u eğer gam Dâ’im ola hem-sohbet-i rindân-ı kadeh-nûş Varın koya meydâna eger pîş ü eğer kem Sûfî ki safâda geçinür mâlik-i dînâr Bir dirhemini alsan olur hâtırı derhem Zâhir bu ki âhir yeri hâk olsa gerekdür Ger dirheme muhtâc ola ger mâlik-i dirhem Mey sun bize sâkî içelüm rağmına ânın Kim cehli ile bilmediği yirden urur dem Her münkir-i keyfiyyet-i erbâb-ı harâbât Öz ‘aklı ile Hakk’ı diler bulmağa heyhât	”