Bu sayfa istinsah edilmiş
51
TÂMÂT
Nedir bu zulmet içre berk vurur bir lem'a-ver bir ses?
Nedir bu samt-ı hiçâhiç içinde devr eder bir ses?
Nidâ-yı hâtifidir san semâvâta gider bir ses
Bu âhengiyle göklerden san istinşâd eder bir kuş
N'olurdu anlasam bu mürg-ı nâlânın lisânından
Nedir maksûdu âyâ girye vü âh-ı nihânından
Fakat dikkatle duydum anladım âh u figanından
Hazân gelmiş safâ-yı nev-bahârı yâd eder bir kuş
Nidâ-yı hasret-engizi eder vicdanları pür-cûş
Sanırsın bir şehîd-i dem-huruşândır kefen-ber-dûş
Bakıp semt-i semâya âsmânı eyliyor hâmûş
Ne ulviyyet-perestâne makâl irâd eder bir kuş!
Bu leyl-i haşyet-efzâ bak benim subh-ı bahârımdır
Bu pertevler, bu zulmetler benim hâk-i mezârımdır
