Bu sayfa istinsah edilmedi
Riyâh-ı İlhâm
Bir hıyâbân-ı vezn ü kafiyeden
Geçiren fikrimi hayâlindir:
Gönlümü raks-ı şi're da'vet eden
Mûsiki-i leb ü makâlindir
İki hemşire-i vefâperver
Gibi ruhumla aşk-ı dildârın
Daima el ele tenezzüh eder
Sâyesinde gusûn-ı eş'ârın.
Mütürennim, güzel neler varsa,
Cereyân-ı hayat-ı sevdada
Uçmak ister bir ufk-ı şeydâda;
Bâd-ı aşkın neler fısıldarsa
Vezn ile, kafiyeyle bestelerim;
Olur onlar benim neşîdelerim
Cenab Şahabeddin
