Bu sayfa istinsah edilmiş
Cennette olsa âşıkı ol mâh-ı işvenin
Hicrân-ı kûyu yine garîbâne gösterir
Gâhî ki tarf-ı zülfini tahrîk eder nesîm
Her bir hande bin dil-i dîvâne gösterir
Her râst-bîne cilve-i ma'nâ-yı hüsn ü aşk
Şem'-i ruhunda hâlini pervâne gösterir
Âyîn-i zevk-i mey-gede-i aşka âmizîn
Her bî-nevâ gedâsını şâhâne gösterir
* Ekrem * nevâ-yı bülbül-i âteş-hurûş-ı dil
Mâtemgeh-i derûnu tarab-hâne gösterir
Müşterek
| Bahâ | Tîr-i nigâh-ı gamzesi lâht-ı cigerdedir | |
| Her katre hûn lâht-ı ciger çeşm-i terdedir | Ekrem | |
| Ekrem | Göñlüm ne demki görmege rûyun eder heves | |
| Ruhsârına o zülf-i siyeh-fâm perdedir | Bahâ | |
| Bahâ | Bülbülleriñ tehî midir efganı subh-dem | |
| Te'sîr-i âh âşıka vakt-i seherdedir | Ekrem | |
| Ekrem | Câsûs-ı âh arş-ı mesîrim bilir mi âh | |
| Hayli dem oldı görmeyeli yâr nerdedir | Bahâ | |
| Bahâ | Âfet-res olsa âlem-i eflâke çokmıdır | |
| Ol mevcler ki nâle-i âteş-eserdedir | Ekrem |
