Bu sayfa istinsah edilmiş
Nâr olur te'sîr-i bahtımdan yine *Ekrem* cihân
Gerçi zulmetten müberrâdır şeb-i mehtâbda
Başladı îmâ-yı va'd-i vasla ebrûlar yine
Etmeseydi bir füsûn ol çeşm-i câdûlar yine
Sen de azm-i bâg ü râg et gel açıl ey gül-nihâl
Pertev-efşân olmada her sûya meh-rûlar yine
Çektim ol meh-pâreyi âguşa sardım sîneme
Oldu mîzâb-ı safâ cismimdeki mûlar yine
Bî-tekellüf aldı mürg-ı aklımı çeşmân-ı yâr
Andelîb-i cân-şikâr etti piristûlar yine
Eşkimi ardınca icrâ ettim ol ser ü kadin
Bâgda hayrette kaldı servler cûlar yine
Bu Nedîmâne neşîdem seyredip *Ekrem* sezâ
Reşk ederse tab'ıma yek-ser sühangûlar yine
| Ekrem | Târ oldu tecellî ki mutalleb nazarımda | |
| Kâkülleri sevdâsı dolaştıkça serimde | Bahâ | |
| Bahâ | Sad pâre durur sînede dil zahm-ı gamından | |
| Her pâresi sad gülşen açar âhlarımda | Ekrem |
