14
Kemâl-i âfiyetle taht-ı şevkette mekîn olsun
Muzaffer eylesin hemvâre zâtın lutf-ı Yezdânî
Hudâ yâr u mu'în etsin ana her işte tevfîkın
Safâ vü şâdi-i hâtırla geçsin cümle ezmânı
Sitâyiş[1]
Hilâl-i mâh-ı rûze âsmân üzre hüveydâdır
Ser-â-ser rûy-ı arza her gece envâr-bahşâdır
Hilâl ammâ ki hân-ı ni'met-i gufrân-ı Yezdân'a
Hakîkatte Müselmânân içün engüşt-i îmâdır
Hoşâ mâh-ı safâ-bahş-ı-kulûb-ı ehl-i îmân kim
Kudûmüyle gürûh-ı mü'minîn üşküfte sîmâdır
Zihî eyyâm-ı ferruh-fâl ü hoş-hâl-i mübârek kim
Cihân âzâde gamdan şimdi her sûlarda pûyâdır
Olur mu gayrı rindân-ı Hudâ hâhişger-i işret
Nevâl-i sufre-i iftârı gör hem keyf-i sahbâdır
Cevâmi' bâgzar-ı nev-bahâr-ı fezy-i akdestir
Menâr üzre mü'ezzin andelîb-i nagme-pîrâdır
Olup kandîl-i reng-â-reng ile pür-sû-be-sû esvâk
O tertîb-i dil-ârâ üzre gûyâ necm-i garrâdır
---- [1]Sene 1281'de tanzîm olunmuş ise de takdîm olunamamıştır.
