Bu sayfa istinsah edilmiş
45
Yaptı bir hâne-i nev-tarh-ı metîn ü dil-keş
Ki verir seyr ü temâşâsı safâ insâna
Nice menzil ki o kim kubbe-i sakfı olmuş
Sâye-endâz-ı inâyet felek-i girdâne
Hânedânıyla hemân Hak hazret-i azze ve celle
Müteyemmin ede ol dâver-i âlî-şâna
Ben de isbât-ı ubûdiyyet içün ey * Ekrem *
Söyledim mısra'-ı ta'rîhini üstâdâne
Okuyan gai'ib eder her dü sarâyı gözden
Cây-ı vâlâda bihîn oldu bu devlet-hâne
Sene 1281
-
Târih-i mansıb
Dâd-endîş ü kerem-pîşe mütercim pâşâ
Devrde şimdi odur asaf-ı eflâtûn-rây
O Hudavend-i felek-câh u mu’allâ-rütbe
Ki cihân dergehine acz ile yüz sürse revây
O cihânbân-ı mu 'azzam o hıdîv-i efham
Kim olur tâkçe-i bârgehi gerdûn-sây
